बलिउड अभिनेता अलमान खान नेपाल आउने भनिएपनि अन्तिम समयमा आएर उनको आवागमन रोकिएको छ । ओडिसी र वलिकल्ब ग्रुप नेपाल च्यापटरको आयोजना र हिटा ग्रुपको पार्टनरशिपमा जेठ १४ गते काठमाडौ‌मा हुने भनिएको ‘दबङ्ग द टुर रिलोडेड’ कार्यक्रममा सलमान खान नआउने भएका हुन् । सलमान खान नआउने भएसँगै कार्यक्रम रद्द भएको छ ।

ओडिसी इन्टरटेनमेन्टले मंगलबार जारी गरेको विज्ञप्तिमा जेठ १५ गतेको बजेटले गर्दा केन्द्रीय सरकारको व्यस्तता निकै बढेको तथा स्थानीय तह चुनावका कारण टिकट बिक्रीमा प्रभाव परेको र वर्षाका कारणसमेत देखाउँदै हाललाई कार्यक्रम स्थगित गरिएको उल्लेख गरिएको छ ।

सो कार्यक्रममा सलमान खानसहित आउने स्वदेशी र विदेशी कलाकारहरू मध्ये चर्चित भारतीय नायिका ज्याकलिन फर्नाडिज माथि लागेको एक मुद्दाको क्रममै भारत सरकारले देश छोड्न प्रतिबन्ध लगाएको सन्दर्भमा उनले नेपालको इभेन्टमा आउनलाई अदालतमा दिएको निवेदनमाथि सकारात्मक निर्णय नआएको पनि आयोजकको भनाइ छ ।

तर नेपालमा ज्याकलिन फर्नाडिजको फोटो राखेर होर्डिङ बोर्ड बनाएको, पोष्टर टाँसेको, टिकट बेचेको परिप्रेक्ष्यमा अहिले मुम्बईको टिमले उनको सट्टामा पूजा हेगेडेलाई पठाउने निर्णय गरेको विज्ञप्तिमा उल्लेख छ ।

तर नेपालमा अचानक कलाकार परिवर्तनबारे टिकट काट्ने दर्शकलाई नयाँ अभिनेत्रीको सन्दर्भमा शो हेर्ने वा नहेर्ने संविधानतः अधिकार अनुसार राईट अफ च्वाईसको अवसर दिनुपर्ने देखिएको ओडीसीको भनाइ छ । “यदि कसैले अभिनेत्री परिवर्तनको विषय मन नपरेर टिकट फिर्ता लिन चाहेमा हामीले कम्तीमा २ हप्ता म्याद दिएर कलाकार परिवर्तन बारे सार्वजनिक सुचना दिनुपर्ने कानुनी सल्लाहकारको राय सुझाव आयो”, विज्ञप्तिमा भनिएको छ, “करोडौं खर्च गरेर कार्यक्रम तयारीको लागि २८ वटा ट्रक भारतीय सिमानामा पुगेको तर लामो बिदाले सोचे अनरुपको भन्सार अनुमतिपत्र प्राप्तिमा भएको ढिलाइ, प्रतिकुल मौसमको कारणले १० वटा ट्रक समेत रोकिएको र विभिन्न प्राविधिक कारण हामीले कार्यक्रम सार्ने निर्णय मन्त्रालय, प्रशासन, भारतीय प्रोडक्सन र आरट्रीस्ट टोलिको सुझावमा गरेको छौँ।”

Share.

Comments are closed.