बीमा समितिले प्राइम लाइफ, युनियन लाइफ र गुराँस लाइफ इन्स्योरेन्स कम्पनीलाई गाभ्न तथा गाभिन (मर्जर) स्वीकृति दिएको छ । समितिले मर्जरमा जान इच्छुक रहेका तीन जीवन बीमा कम्पनीलाई मङ्गलबार स्वीकृति दिइएको हो ।

समितिले यसअघि निर्जीवन बीमा कम्पनीको तर्फबाट हिमालयन जनरल र एभरेस्ट इन्स्योरेन्सलाई गाभ्न तथा गाभिन स्वीकृति प्रदान गरिसकेको छ । यी कम्पनीहरूले गत साता मर्जरमा जाने सहमति गरेका थिए ।

बीमा समितिको निर्देशनपछि पुँजी वृद्धिको दबाबमा रहेका बीमा कम्पनी मर्जरमा जान लागेका छन् ।

समितिको चैत १० गतेको निर्देशनअनुसार एक वर्षभित्रै निर्जीवन बीमा कम्पनीले दुई अर्ब ५० करोड रुपियाँ र जीवन बीमा कम्पनीहरूले पाँच अर्ब रुपियाँ चुक्ता पुँजी पु-याउनेपर्ने व्यवस्था छ ।

Share.

Comments are closed.